• Adinekoek Ile-apainketa espezialitateko parafina-tailer batean eta Ostalaritza espezialitateko ikasleek prestatutako dastatze batean parte hartu dute.

• Arotzeria eta Eraikuntza espezialitateetako ikasleei ere egin diete bisita.

Gaur goizean, Leioako IMQ Igurco eguneko zentroko –Bizkaiko Foru Aldundiko gizarte-azpiegituren sareko partaide dena– adineko talde batek, bisita egin die Leioako Adsis Fundazioaren Oinarrizko Lanbide Heziketako Zentroko lehen mailako gazteei. Zentro hori Leioako Ibarrabarri industrialdean dago.

Bi erakundeen arteko belaunaldien arteko programa baten barruan kokatzen den bisitan, non gazteek eta adinekoek elkarrekin jarduerak egiten dituzten, eguneko zentroko bisitariek —horietako batzuk gurpil-aulkietan— zentroak irakasten dituen espezialitateak bisitatu dituzte.

Horien barruan, lehenik eta behin, eskuak hidratatzeko parafina-tailer bateko Ile —apainketa espezialitateko ikasleek prestatua— protagonistak izan dira. Ondoren, bisitaldian, adituentzako dastaketa egin da, Ostalaritza espezialitateko gazteen eskutik. Eraikuntza eta Arotzeria espezialitateetako ikasleak bisitatzeko astia ere egon da.

IMQ Igurcoko profesional batzuekin bertaratu dira adinekoak, eta horiei guztiei zentroko irakasle batzuek egin diete harrera; bisitaldia hasi aurretik, Adsis Fundazioak gazteentzat antolatu duen hezkuntza-proiektua azaldu diete laburki.

Heziketa Zentroko enpresen praktiken (FCT) lan-orientatzaile eta arduradun Gloria del Curak adierazi duenez, “Leioako IMQ Igurco eguneko zentroarekin garatzen dugun belaunaldi arteko proiektu honen eskutik hainbat helburu lortu nahi ditugu. Batetik, gure lehen mailako ikasleak sentsibilizatu nahi ditugu, eta belaunaldien arteko bizi esperientzien eta helburu komunen trukea ahalbidetu. Halaber, gazteen eta adinekoen artean estereotipo, aurreiritzi eta irudi negatiboak ezabatzen saiatzen gara, jarduerak partekatzeko eta elkar ezagutzeko espazioen sorrera bultzatzen, eta gizartearen parte-hartzea sustatzen. Azkenik, gazteen eta adinekoen arteko loturak indartzen saiatzen gara, elkarrekikotasun-harreman arina sortzen duten topaguneak sortzeko”.

Bestetik, Sonia Robles, IMQ Igurco eguneko zentroetako gizarte-langileak hauxe azpimarratu du: “garrantzi handikoa da adinekoek bizi diren komunitateetako gizartean aktiboki parte har dezaten. Kasu askotan, hainbat esparrutan oso erabilgarria izan daitekezkeen ezagutza eta esperientzia dituzten pertsonak dira, hainbat egoeratan agerian geratzen den bezala.

Belaunaldien arteko jarduera horiek egiteak onura ugari dakarzkie, hala nola, estimulazio kognitiboa, egungo gizarterako baliagarritasun-sentimendua finkatzea, beren bizitzako iraganeko lanak edo egoerak gogorarazteko lana, eta, jakina, beren gizarte-harremanak lantzeko aukera aparta eta motibagarria, adinaren eta, askotan, kulturaren mugak gaindituz, kasu honetan, bizitzan bideak urratzen dituzten gazteak ezagutzeko, horiekin lotura berezia garatzen ari baitira”.

Oinarrizko Lanbide Heziketa

Leioako Oinarrizko Lanbide Heziketako Adsis programa, hainbat arrazoirengatik Derrigorrezko Bigarren Hezkuntza (DBH) ikasteari utzi dioten 14 eta 18 urte arteko gazteak hartzaile dituen gizarte- eta hezkuntza-proiektua da. Izan ere, programa horren helburua da ikasleei beren bizitza osoa jorratu eta islatuko duen eta, ahal den neurrian, garapen integrala eta emozionala bermatuko dizkien proposamena eskaintzea.

Leioako zentroan lau espezialitate eskaintzen dituzte: Ostalaritza, Zurezko arotzeria, Eraikuntza eta Ile-apainketa. Bi ikasturtez, gazteak lanbide horietako batean trebatzen dira, eta helburuak lortuz gero, Oinarrizko Lanbide Heziketako titulua lortzen dute; horri esker, Lanbide Heziketako erdi mailako gradu bat eskuratu dezakete, eta, kasu batzuetan, lana aurkitu ere. Ikasleetako batzuek Bigarren Hezkuntzako graduatu titulua ere eskuratzen dute.

Eguneko zentroa

Leioako IMQ Igurco eguneko foru-zentroak 64 toki ditu arazo fisikoak dituzten adinekoentzat, familia-euskarri urria dutenentzat edo narriadura kognitiboren bat duten pertsonentzat. Adinekoen arretan oso espezializatuta dagoen diziplinarteko talde bat du. Bertako ekipamenduaren artean, jarduerak egiteko hornitutako erabilera anitzeko hiru gela, hamar komun geriatriko, gimnasioa, jantokia, erizaintzako gela eta atsedenerako gunea daude.

Oinarrizko zerbitzuak ez ezik –hala nola elikadura (gosaria, bazkaria eta askaria), diziplina anitzeko talde batek egindako banakako arreta-planetan oinarritutakoak–, zerbitzu espezializatuagoak eta pertsona bakoitzaren premietara egokitutakoak ere ematen ditu, ahalik eta autonomia-mailarik handiena eta bizi-kalitaterik hobea emateko, eta, horrela, narriadura kognitiboa moteltzen laguntzen du, edo, beste kasu batzuetan, prebentzio-elementu gisa.