Aurkezpen

IMQ Igurco Bilbozar adinekoentzako egoitza eta eguneko zentroa – arretan eta zaintzan espezializatua – Bilboko erdigunean dago, leku estrategikoan: Alde Zaharra, Bilbo Zaharra eta Miribila inguruan, Erriberako Merkatutik 2 minutura oinez, San Antoneko eta Mesdeetako zubien artean. Bere kokapen ezin hobeari esker, primeran lotuta dago Bilbobusen hainbat linearekin – 11, 22, 55, 56, 58, 75, 77, 85 eta G4-Gautxori lineekin – eta Bilboko metroarekin.

Eraikina Bizkaiko Foru Aldundiaren gizartze-zerbitzuen sareko kide da; eraikinak ia 7.500 m2-ko azalera eraikia izateaz gain, hauek ere baditu: 5 laguntza-solairu, 87 logela – 35 pertsona bakarrarentzat, 52 birentzat ­– egokitutako bainugelekin.

Egoitza-unitateak 137 pertsonarentzako edukiera du, eta eguneko zentroak 50 lagunentzat. Bai egoitzak, bai eguneko zentroak Bizkaiko Foru Aldundiaren plaza publikoak eta plaza pribatuak dituzte.

Egoitza-unitateko erabiltzaileak, euren arreta-beharrizanen arabera, 5 modulutan daude antolatuta – modulu denek jantoki eta egongela propioak dituztela –eta mantenu osoa ematen zaie – plater bakoitzeko bi aukera eta gaixotasun kronikoetara eta/edo murtxikatzeko edo irensteko arazoetara egokitutako menuak eskainita –; zentroko sukaldean bertan prestatzen dira otorduak. Zentroak baditu barrualdeko terraza bat, Bilboko ikuspegi paregabeak dituen begiratokia eta familientzako zein bisitarientzako aparkaleku propioa. Halaber, San Frantziskoko, Bilbo Zaharrako eta Zabalako komunitate- eta gizarte-jardueretan kide aktiboa, eta bere eragin-eremuko elkarteekin partekatutako ekimenak ditu abian.

IMQ Igurco Bilbozar Bilbo erdiguneko zentro liderra da adinekoen tratamendu eta zainketa pertsonalizatuan eta osoan. Bere helburu nagusia Banakako Arreta eta Bizitza Plana ezartzea da, eta horrexen inguruan antolatzen da profesional bakoitzaren lana, autonomiari eta bizitza-kalitateari eusteko.

Zentroak zerbitzu-sorta zabala dauka, horien artean hauek dira nabarmentzekoak:

• Arreta-plan indibidualizatuak – zentroko diziplina anitzeko taldeak pertsonalizatutako Arreta eta Bizitza Plana diseinatuko du erabiltzaile bakoitzarentzat, bai azken horren zein beraren senideen parte-hartzearekin, gaitasun funtzionalak eta kognitiboak mantentzeko jarduera zehatzekin.
• Preskripzioaren optimizazioa – laguntza-taldeak desegokiak izan daitezkeen botikak identifikatuko ditu (adib.: albo-ondorio kaltegarriengatik edo erortzeko arriskua areagotzeagatik), eta horiek aldatzea edo jarraibide farmakologikoa kentzea aztertuko du.
• Hauskortasuna prebenitzea eta horri aurre egitea – osagai anitzeko eta ariketa fisikoko programak ezarriko dira, batetik, autonomia sustatzeko eta, bestetik, erortzeko eta narriadura funtzionala izateko arriskua gutxitzeko.
• Aisialdiko jarduera-programa – zentroak jarduera-programa zabala erabiltzaileen esku jarriko du, erabiltzaile bakoitzaren bizi-proiektua mantentzen laguntzeko.
• Egoitza Gardenak aplikazioa – erabiltzailearen familiari aplikazioak haren egunerokotasunaren eta azken nobedadeen berri denbora errealean izateko aukera ematen dio (adibidez: zein jardueratan hartu duen parte edo medikazioan zer aldaketa izan duen)

Aurreko guztia goi-mailako diziplina anitzeko talde batek egiten du posible, medikuz, erizainez, fisioterapeutez, psikologoz, gizarte-langilez, terapeuta okupazionalez eta gizarte- eta kultura-animazioko teknikariz osatutakoa. Horiek denek erabiltzailearentzako kalitate eta erosotasun-estandar altuenak bermatzen dituzte.

Erabiltzailearen informazioa

Deskargatu

Bideoa