Kontaktatu

TELELAGUNTZA

Lasaitasunaren botoia

Imagen principal de cabecera - IMQ Centro médico

INFORMAZIOA

Adineko asko bakarrik bizi dira, edo eguneko zenbait ordu ematen dituzte laguntasunik gabe. Hori zure kasua edo senide hurbil baten kasua bada, gure telelaguntza-zerbitzua duzu eskuragarri, beti-beti lasai egoteko moduko asegurua, alegia.

Berehalako laguntzarako zerbitzu honi esker, sakagailuaren bidez (esekia edo eskumuturrekoa) larrialdietan banakako arretarako zentroarekin jarri ahal izango zara harremanetan, irtenbide azkar bezain eraginkorrerako plan egokia abian jartzeko.

Botoia sakatzean, IMQ Igurcoko profesional batek erabiltzailea artatuko du, edozein ezustekori edo larrialdiri erantzuteko. Erori bazara eta altxatzerik ez baduzu, txarto bazaude edo etxean edonolako ezbeharrik gertatzen bada, beharrezko laguntza-zerbitzu guztiak berehala mobilizatuko ditugu. Aldi berean, harremanetarako lagun hurbilenari ere deituko diogu; esate baterako, senidea, auzokidea edo zaintzailea.

Gure telelaguntza-zerbitzua 24 orduetan eta urteko 365 egunetan dago eskuragarri, eta, abian jartzeko, gurekin harremanetan jarri besterik ez daukazu. Hurrengo egunean, etxean edukiko duzu, instalazio erraza egin ostean: sistema bera telefono-linearen edo SIM txartelaren bidez jartzen da abian, besterik ez. Horrez gain, aldian aldiko jarraipen-deiak eta hileko telefono-kanpainak ere egiten dizkiegu zerbitzuko erabiltzaile guztiei, ondo daudela ziurtatzeko.

Geure modalitate aurreratuan, etxeko giltzak zaintzeko zerbitzua ere eskaintzen dugu. Horrela, gorabeheraren bat badago eta erabiltzaileak atea irekitzerik ez badauka, unitate mugigarria berehala joango da haren etxeraino, eta ez die suhiltzaileei edo sarrailagileei deitu beharko.

IMQ Igurcoko telelaguntza-zerbitzuaren onura nagusiak:

  • 24 orduko / 365 eguneko arreta: edozein gorabeheratan edo egoeratan laguntza behar duenari erantzuteko.
  • Izapiderik gabeko berehalako instalazioa: 24 ordutan, sistema bera abian edukiko duzu etxean.
  • Prebentziorako jarraipena: gure arreta-zentroko profesional batek deituko du, erabiltzailea nola dagoen egiaztatzeko eta gizarteratuta dagoela ziurtatzeko. Horrez gain, hileko telefono-kanpainak ere egingo dira aholku zehatzak emateko.
  • Etxeko giltzen zaintza: modalitate aurreratuan, sarraila aldatzeko deserosotasuna saihestu ahal izango da, laguntza-zerbitzuek sartzerik ez daukatenean. Zenbait unitate mugigarri ditugu, ahalik eta azkarren erabiltzailearen etxeraino joateko.
  • Banakako tratu hurbil eta profesionala: pertsonak esperientzia zabaleko profesionalen laguntasuna eta arreta jasoko ditu.
  • Berehalako baja: zerbitzua edonoiz eten ahal izango duzu inolako kostu erantsirik gabe.
IMQ_IGURCO_TELEASISTENCIA-eus
IMQ IGURCO TELELAGUNTZA 
[PDF, 706 KB]

 

OHIKO GALDERAK

Berehalako arretarako zerbitzua da, eta esekita edo eskumuturrean eramandako sakagailuaren bidez jartzen da abian. Sistemak erabiltzailea jartzen du harremanetan arretarako zentroarekin, eta, erantzuteko, egoeraren araberako protokolo egokiena jarriko du abian, ahalik eta modu azkar eta eraginkorrenean.

Bakarrik bizi diren edo eguneko ordu asko laguntasunik gabe ematen duten adinekoentzat da. Zerbitzuak lasaitasun handia eskaintzen die erabiltzaileei nahiz senideei, badakitelako arreta jasoko dutela edozein gorabehera gertatuz gero.

Sisteman bertan, bozgorailua ere jartzen da, eta, telelaguntzako botoia sakatzen denean, etxeko edozein lekutatik entzuten den ahotsak deiari erantzungo dio. Erabiltzaileak arretarako zentroko profesionalarekin hitz egin ahal izango du sakagailuan jarritako mikrofono txikiari esker. Erabiltzailearen erantzunaren arabera, laguntza-zerbitzu egokienak jarriko dira abian.

Ez, Edozein jarduera egin ahal izango duzu sakagailua soinean daukazula, hau da, dutxatu edo lo egin ere ahal izango duzu. Gainera, oso gomendagarria da beti soinean eramatea, etxean beste inor ez dagoenean. Keinuren bat egitean nahi izan gabe abian jartzen bada, ez dago inolako arazorik, profesional bat zurekin jarriko delako harremanetan dena ondo dagoela egiaztatzeko, besterik ez.

Deitu eta eskatu besterik ez daukazu. Unean bertan egingo dizugun galde-sorta laburraren ostean, instalazio-prozesua abian jarriko dugu, eta hurrengo egunean edukiko duzu etxean.

IMQ Igurco
946 62 04 00

Zalantzak dituzu? Informazio gehiago behar duzu?

Kontaktatu