<img height="1" width="1" style="display:none" src="https://www.facebook.com/tr?id=1302467143154317&amp;ev=PageView&amp;noscript=1">
Kontaktatu

Egoitza IMQ Igurco Forua

Imagen principal de cabecera - IMQ Centro médico

Aurkezpen

IMQ Igurco Forua adinekoentzako zentroa – arreta eta zaintzan espezializatua – ingurune pribilegiatu batean dago – Urdaibaiko biosferaren erreserban –, Foruko udalerrian. Egoitza, gainera, Gernikako erdigunetik kilometro batera baino ez dago.

Eraikinak – ~ 1.700 m2 inguruko azalera eraikia du – 2 solairu ditu, 28 gela – 12 banakakoak eta 16 bikoitzak –, bainugela integratua eta egokitua, eta 44 erabiltzailerentzako edukiera. Zentroak – IMQ Igurcok kudeatzen du, Foruko Udalaren administrazio-emakida baten bidez – Bizkaiko Foru Aldundiarekin itundutako plazak nahiz plaza pribatuak ditu.

Zentroko erabiltzaileak beren beharren arabera antolatuta daude – kognitiboak eta funtzionalak –, eta pentsio osoa ematen zaie – menu egokituekin –, hori guztia zentroko sukaldean eginda. Zentroak, halaber, eremu komun zabalak ditu – bai kanpoan, bai barruan –, eta bertan jarduerak egiten dira, paseoak ematen dituzte, edo bisitez gozatzen dute. Gainera, IMQ Igurco Foruak familien zerbitzura aparkaleku pribatua jartzen du.

IMQ Igurco Forua zentro nabarmena da Urdaibain – adinekoen tratamendu eta zaintza pertsonalizatuan eta integralean –, eta helburu nagusia Banakako Arreta eta Bizitza Plana ezartzea da – horren inguruan antolatzen da profesional bakoitzaren lana –, autonomiari eta bizi-kalitateari eusteko.

Zentroak zerbitzu sorta zabala du, eta, besteak beste, hauek nabarmentzen dira:

  • Arreta-plan indibidualizatuak – zentroko diziplina anitzeko taldeak Arreta eta Bizitza Plan pertsonalizatua diseinatzen du erabiltzaile bakoitzarentzat (haren edo familiaren parte-hartzearekin), gaitasun funtzional eta kognitiboak mantentzera eta haren ongizatea sustatzera bideratutako ekintza zehatzekin.
  • Preskripzioa optimizatzea – laguntza-taldeak desegokiak izan daitezkeen farmakoak identifikatzen ditu (adibidez, ondorio kaltegarriengatik edo erortzeko arriskua indartzeagatik), eta horiek aldatzea edo jarraibide farmakologikoa kentzea baloratzen du.
  • Hauskortasuna prebenitzea eta horri heltzea – osagai anitzeko ariketa fisikoko programak ezartzen dira, autonomia sustatzeko eta erorikoak eta narriadura funtzionala izateko arrisku txikiagoa izateko.
  • Aisialdiko eta denbora libreko jardueren programa – zentroak erabiltzaileen eskura jartzen du jarduera-programa zabal bat, erabiltzaile bakoitzaren bizi-proiektuari eusten laguntzeko.
  • Egoitza Gardenak aplikazioa – aplikazioak aukera ematen dio familiari egunerokoaz eta erabiltzailearen azken berrikuntzez denbora errealean jakinaren gainean egoteko (adibidez: parte hartu duen jarduerak edo medikazio-aldaketak).

Aurreko guztia lehen mailako diziplina anitzeko talde bati esker egin daiteke. Mediku, erizain, fisioterapia eta psikologoak osatzen dute talde hori, eta erabiltzailearentzat kalitate eta erosotasun estandar altuenak bermatzen dituzte.

Erabiltzailearen informazioa

IMQ Igurco Forua Deskargatu

Bideoa

IMQ Igurco
946 62 04 00

Zalantzak dituzu? Informazio gehiago behar duzu?

Kontaktatu

Bisita birtuala

Kokapena eta kontaktua

IMQ Igurco Forua

Bº Elexalde, 34 48393 Forua (Bizkaia)

94 625 60 73

Astelehenetik ostiralera 9:00etatik 20:00etara. Larunbatak 10:00etatik 13:00etara.

Nola heldu