Informazio eta aholkularitzarako zerbitzua

Informazioa

IMQ Igurcok doako informazio eta aholkularitza-zerbitzua du – IMQ Laguntza –, adinekoen arretari eta zaintzari lotutako zalantza eta behar guztiak argitzeko. Horretarako, IMQ Igurcok edonoren eskura jartzen du adinekoen arloan duen esperientzia zabala.

Senide batek laguntza behar badu eta nondik hasi ez badakizu, adinekoak zaintzeko/artatzeko dauden baliabideei/irtenbideei buruzko informazioa nahi baduzu, maila publikoan zein pribatuan, aholkularitza, etab. bilatzen baduzu, IMQ Laguntza erabil dezakezu.

Jarri harremanetan IMQ Laguntzako aholkulariekin 94 662 04 00 telefonoaren bidez edo posta elektroniko bidez imqayuda@igurco.es helbidean. IMQ Igurcoko Gizarte Langileek atsegin handiz emango dizute informazioa eta aholkularitza honako hauekin zerikusia duten gaietan/konponbideetan:

Etxeko laguntza: etxez etxeko laguntza-zerbitzuak ematen dituzten profesionalei, enpresei eta erakunde publiko eta pribatuei buruzko informazioa (adibidez, zaintzaileak hautatzea).
Etxeko zainketen plana: Igurtek zerbitzuaren informazioa eta aholkularitza. Zerbitzu horren helburua da IMQ Igurcoko profesionalen ezagutza erabiltzaileen etxera eramatea, mendekotasun-egoeran dauden pertsonak – zaintzailearekin batera eta Igurteken laguntzarekin – beren etxean ahalik eta denbora gehien egon ahal izan daitezen.
Egoitzak eta Eguneko zentroak: IMQ Igurcoko zentro guztien gaineko informazioa eta aholkularitza.
Suspertze Funtzionaleko eta Bizitzaren Amaierako Zaintza Unitateak: suspertze funtzionalean eta bizitzaren azken zaintzan espezializatuak diren IMQ Igurcoko zentro guztien gaineko informazioa eta aholkularitza.
Lege-aholkularitza eta laguntza ekonomikoak: gai juridikoei buruzko informazioa eta aholkularitza (adibidez, gaitasun juridikoa edo aurretiazko borondateak aldatzea) eta prestazio ekonomikoei buruzkoak (nola eta non eskuratu Administrazio Publikoaren laguntzak – adibidez, mendekotasuna baloratzea edo atseden-zerbitzua).
Laguntza tekniko materiala: laguntza tekniko materialeko zerbitzuak ematen dituzten profesionalei eta enpresei buruzko informazioa (adibidez, etxebizitza egokitzea edo ortopediak).
Telelaguntza: IMQ Igurco telelaguntza-zerbitzuari eta -gailuari buruzko informazioa eta aholkularitza, eta, nahi izanez gero, 24 ordutan etxean kontratatzea eta aktibatzea.

Zer da IMQ Igurcoko Informazio eta Aholkularitzarako Zerbitzua?

Doako zerbitzua da, eta adinekoen laguntza soziosanitarioarekin lotutako informazio guztia eskainiko dizugu bertan. Leihatila bakarra da, eta edozein zalantza argitzeko jo ahal izango duzu bertara, telefonoz, posta elektronikoz edo zuzen-zuzenean. Gure profesionalen taldeak bere jakintza osoa jarriko du zure esku, edozein arazori buruzko aholkularitza emateko.

Nork erabili dezake?

Adinekoen zainketekin zerikusia daukan edozein faktoreri buruz galdetu ahal izango diguzu: eskuragarri dauden laguntza ekonomikoei eta zerbitzu publikoei buruzko informazioa, egin beharreko izapide administratiboak, egoitzak eta eguneko zentroak, etxez etxeko laguntzarako zerbitzuak, etxearen egokitzapena edo zaintzaileentzako prestakuntza, besteak beste. Horretarako, gurekin harremanetan jarri besterik ez duzu, zeure premia edonolakoa dela ere.

Nolako informazioa eskatu dezaket?

IMQ Igurcoko zerbitzuei buruzko informazioa baino ez duzue eskaintzen?

Ez. Gure profesionalen taldeak eskura dituzun zerbitzu publiko eta pribatu guztiei buruzko informazioa eskainiko dizu, betiere, guk geuk abalatutako profesionaltasunaren eta kalitatearen irizpideak betetzen badituzte.

Badaukat laguntza publikoak eskuratzeko aholkularitzarik eskatzerik?

Bai. Gure zerbitzuaren bidez, lehendik dauden lagunei buruzko aholkularitza eman eta prozesuan lagunduko dizugu, beharrezko izapideak egin ditzazun.

Etxez etxeko laguntzarako zerbitzuak kontratatu behar ditut. Lagunduko didazue?

Bai. Zure premien arabera, erabateko konfiantzadun enpresen eta profesionalen zerrenda emango dizugu, eta haiekin jarri ahal izango zara harremanetan. Era berean, langileak hautatzen edo laguntza-zerbitzuen hornitzaileak aukeratzen ere lagunduko dizugu.

Senide bat ezin da bere kabuz bizi, eta ez dakit zer egin. Lagunduko didazue?

Jakina. Gurekin harremanetan jarri besterik ez duzu, eta ema beharreko hurrengo urratsak zein diren zehazten lagunduko dizugu. Horretarako, eskura dituzun aukera guztiei buruzko informazioa eskainiko dizugu

Nola eskuratu zerbitzu hau?

Gurekin harremanetan jar zaitezke 94 662 04 00 telefonoaren edo posta elektronikoaren bidez, helbide honetan imqayuda@igurco.es.

IMQ Laguntza, informazio eta aholkularitza zerbitzua

Informazioa

OHIKO GALDERAK

IMQ Igurco