- IMQ Igurco Alhóndiga egoitzak, joan den udaberrian zabaldu zenak, Bizkaiko Foru Aldundiaren oniritzia jaso du Bilboko berriena den zentro horretan 16 leku publiko ituntzeko.
- Leku berriek sor lezaketen interesa kontuan hartuta, egoitzak ate irekien jardunaldi bat antolatzea aurreikusi du urriaren 22an, 17:30etik aurrera. Adinekoen arretarako zentroa Bilboko Concha Jeneralaren kaleko 20. zenbakian dago.
IMQ Igurco talde soziosanitarioak Bizkaiko Foru Aldundiko Gizarte Ekintza sailaren oniritzia jaso du Bilboko egoitza berriena den IMQ Igurco Alhóndigan 16 leku publiko ituntzeko. Egoitza joan den udaberrian zabaldu zen, eta Bilboko Concha Jenerala kaleko 20. zenbakian dago.
Horrela, Bilboko zabalgunean adinekoentzako leku publikoen eskaintza berria izango da; izan ere, hiriko alde horretan eskaria handia da, biztanleriaren egitura dela eta. Lekuak eskuratzeko eskabide ugari egongo dela kontuan hartuta, adinekoen arretarako zentroak ate irekien jardunaldia antolatu du, bai erabiltzaile izan daitezkeentzat, bai horien senideentzat, urriaren 22an, 17.30etik aurrera. Nahi duen oro bertara daiteke, doan.
Askotariko beharretarako
Zentroak zabalik daramatzan lehen sei hilabeteetan, IMQ Igurco Alhóndigako zuzendari Janire Santamaríak azaldu duenez, Bilboko erdialdeko adinekoen erantzuna «oso ona» izan da. Arreta eman zaien pertsona guztien batez besteko adina 85,3 urtekoa izan da, «55 eta 102 urte bitarteko pertsonak igaro dira».
Erabilera-profilari dagokionez, ohiko egonaldi iraunkorrez gain, non adinekoak bizilekua egoitzan duen, aldi baterako egonaldiak nabarmendu dira, ohikoak zaintzaileen atsedenaldietan eta susperraldietarako ere, normalean, eriondo edo ospitaleratze luzeen ondorioz. Batzuetan, erabiltzaileek aldizkako aldi baterako egonaldiak egitea aukeratzen dute, beren behar eta nahien arabera.
Egonaldi iraunkorren barruan, IMQ Igurco Alhóndigako zuzendariarentzat, bizikidetza-unitateak dira bereizgarria. «Arreta-eredu horrek, egoitza barruan etxe-giroko espazio pertsonalizatuan pertsona gutxi biltzen dituenak, giro bihozberagoa eta familiarragoa sortu nahi du, non beren beharretara eta lehentasunetara egokitutako laguntza eta zaintza ematen zaizkien. Unitate horiek etxea simulatzen dute, eta eremu komunak dituzte, hala nola egongela, sukaldea eta jangela, eta, horrela, sozializazioa, autonomia eta gizarte- eta familia-loturak errazten dira. Horren ondorioz, familiak etxean bezala sentitzen dira, baita egoitzako adinekoak ere».
Bizikidetza-unitateak hainbat solairutan banatzen dira, eta horietan egongela, jangela eta sukaldea daude, zeinak egoitzako pertsonentzat zein familientzat irekita dauden. «Jakiak har dezakete, kafe bat prestatu edo, edozein egunetan, elkarrizketa maitagarri batean parte hartu. Eguneroko xehetasunak markatzen du aldea: berton, espazio instituzionalak etxe baten beroari uzten dio lekua», nabarmendu du Janire Santamaríak.
Horren harira, eta adinekoaren bizitza komunitarioaren jarraitutasuna ohiko testuinguruan bultzatze aldera, malgutasunaren eta irekitasunaren alde egiten da: «hemen ez dago bisita-ordutegirik. Senideak edozein unetan etor daitezke, egunerokotasunean parte hartu eta, adinekoekin eta profesionalekin batera, jarduerak eta paseoak partekatu. Dena dabil pertsonei egokitutako ordutegiekin, ez alderantziz. Zentroan arauak bizitzara egokitzen dira, ez bizitza arauetara».
IMQ Igurco Alhóndiga egoitzako gela gehienak banakakoak dira, eta pertsona edo familia bakoitzak badu norbere gustura egokitzeko aukera: altzari batzuk alda daitezke, ohe-estalkiak aukera daitezke, argazkiekin, koadroekin eta loreekin apaindu, etab. «Gela bakoitza bertan bizi denaren istorioaren jarraipena izatea nahi dugu», adierazi du zuzendariak.
Eta zentroko adinekoentzat antolatzen diren animazio soziokulturaleko jarduerei dagokienez, pertsonalizazioa eta aniztasuna funtsezko bi alderdi dira. «Antolatzen ditugu paseoak auzotik, txangoak Alhondigara eta Doña Casilda parkera, eta gozatzeko eta komunitatearekin harremanak izateko sortutako jarduerak. Gozogintzako asteroko tailerra, non familiek parte hartzen duten, arrakasta biribila da, Karibeko dantza eskolak bezala. Hori bai, egutegia malgua da, eta egoitzako pertsonen proposamenetara irekita dago, zentroa beraiena dela sentitzea nahi dugulako».
Tratu pertsonala eta teknologia berriak bateratuta
Zentroa txikia denez (79 leku ditu, 59 banakako gelatan eta 10 gela bikoitzetan banatuta), familiekin ia egunero izaten da harremana. Gainera, bisita-ordutegirik ez izateak aukera ematen die familiei, egoitzara joaten direnean, profesionalekin egoteko eta haiekin hitz egiteko.
Senideek ere teknologia berrien laguntza dute, ‘Residencias Transparentes’ (Egoitza Gardenak) aplikazioari esker. Plataforma digital horretan, senidearen aurrerapenak eta egoera jarrai daitezke. «Bi sinergiak, giza hurbiltasuna eta tresna digitalak, uztartuz, taldearen, adinekoen eta familia-ingurunearen arteko zirkulu estua sortzea lortu dugu», amaitu du azaltzen IMQ Igurco Alhóndigako zuzendariak.
