• IMQ Igurco Bilbozar egoitzako adineko batzuek Cocomotora estudioaren tailerrean beren lehen zeramika-lanak egin dituzte. Bi erakundeak Bilbo Zaharra auzoan daude.

• Ekimenak adinekoei onurak dakarzkie, alde ludikoari eta kognitiboari eta esku-gaitasunari dagokienez.

IMQ Igurco Bilbozar egoitzako (Bizkaiko Foru Aldundiko gizarte-azpiegituren sarekoa) adineko batzuek Cocomotora estudioan (San Frantzisko kalea 5, Bilbo) artisau-zeramikan aritu dira lehen aldiz.

Hortaz, 80 eta 90 urte arteko bost emakumek eta gizonek, aldez aurretik zeramikan inoiz aritu ez direnek, buztina nola landu eta modelatzen den ikasteko aukera izan dute, baita lehen aldiz nork bere zeramika-lana egitekoa. 

Tailer baten lehen zatia izan da, eta, datozen egunetan, hori bigarren saio batekin biribilduko da; horretan, adinekoak zeramika apaintzeko tekniketara ohituko dira, buztinezko lanak hainbat motiboekin apainduko dituzte, eta, piezak laberatu ondoren, horiek behin betiko itxura hartuko dute. Esmalteztatzeko tekniketara ere ohituko dira parte-hartzaileak.

IMQ Igurco Bilbozar egoitzako animazio soziokulturaleko teknikari Mónica Cuevasek adierazi duenez, «ekimenak adinekoei onurak dakarzkie, alde ludikoari eta kognitiboari eta esku-gaitasunari dagokienez. Halaber, parte-hartzaileen sormen artistikoa du oinarri jarduerak, eta integrazio soziokomunitarioa sustatzen, tailerra egoitzatik kanpo eta Bilbo Zaharra auzoaren barruan egiten delako, adineko horiek Bilboko auzo garaietako benetako biztanle gisa integratuta. Tailerrean parte hartu dutenentzat aire freskoa izan da, pandemiak markatutako gizarte- eta auzo-jarduera izanda».