• 2020ko apiriletik 2021eko apirilera bitartean 272 pertsonari eman zien arreta (horien batez besteko adina 75 urtekoa zen, eta % 63k dementzia zuten), egoitzen eremuan erregistratutako hilgarritasuna baino txikiagoa izanda eta Covid-19ak profesional bat ere ez kutsatu gabe.

• Unitate horren asistentzia-datuak Geriatria eta Gerontologiako Espainiako Sozietatearen II. Biltzar Birtualean daude ikusgai, ekainaren 2tik 4ra.

• Halaber, unitate soziosanitario hori barne hartzen zuen zentroak, IMQ Igurco Unbe egoitzak, alegia, errekuperazio funtzionaleko unitatearen jarduerari ekin dio berriro errendimendu osoz, hausturei, neuroerrehabilitazioari eta gaixotasun ahultzaileen eriondoei ere.

Aste honetan amaituko dira Covid-19dun adinekoei arreta ematen espezializatutako Unbeko egoitza-unitate soziosanitarioa (IMQ Igurcok Osakidetzarekin eta Bizkaiko Foru Aldundiarekin lankidetzan abiarazi zuena) ixteko lanak. Adinekoen egoitzen eta Ospitalearen arteko asistentzia-baliabidea da unitate hura, hasiera batean Covid-19 moderatu edo larria zuten baina ospitaleratu behar ez ziren egoitzako pazienteentzat prestatu zena. Lurralde Historikoan horrelako bi unitate prestatu ziren: Bilboko Birjinetxekoa, martxoan itxi zena, eta Covid-19 unitatea, Erandioko IMQ Igurco Unbe egoitzako moduluetako batean kokatu zena.

Asistentzia-apustu hori, eguneko 24 orduetan erizaintzaz, mediku geriatraz, arreta psikologikoaz eta telerrehabilitazioaz hornituta egon dena, oso eraginkorra izan da, datuek eta gerora beste autonomia-erkidego batzuetan antzeko dispositiboak garatu izanak agertu dutenez. Horiek horrela, Covid-19dun adinekoei arreta ematen espezializatutako Unbeko egoitza-unitate soziosanitarioaren datuak Geriatria eta Gerontologiako Espainiako Sozietatearen II. Biltzar Birtualean egongo dira ikusgai, ekainaren 2tik 4ra, jardunbide egoki asistentzial horren esperientzia partekatzeko.

IMQ Igurcoko Asistentzia zuzendari Naiara Fernándezek azaldu duenez, «2020ko apiriletik 2021eko apirilera bitartean 272 pertsonari eman zien arreta (% 49, gizonak eta % 51, emakumeak), eta horien batez besteko adina 75 urtekoa zen (% 80, 75 urtetik gorakoa). Unitatean sartzean pazienteek zuten egoera funtzionalari dagokionez, gehienek mendekotasun larria zuten eguneroko bizitzako jarduerak egiteko, eta horien dementziaren prebalentzia % 63koa zen. 2020ko apiriletik abendura arteko batez besteko egonaldiak 21 egunekoak izan ziren, eta 16 egunekoak, 2021eko urtarriletik apirilera bitartean».

Covid-19dun adinekoei arreta ematen espezializatutako IMQ Igurco Unbeko egoitza-unitate soziosanitarioak, «Covid-19ak kutsatutako pertsona instituzionalizatuei arreta emateko baliabide eraginkorra eta segurua dela agertu du, eta egoitzen eremuan erregistratutako hilgarritasuna baino txikiagoa izan da bertan (unitatekoa, % 12,7, Espainiako egoitzen batez bestekoa,  % 21), eta presioko ultzeren intzidentzia ospitaleko estandarra baino txikiagoa izan da (unitatekoa, % 5,16, eta estandarra, % 7,87). Era berean, mediku geriatra baten balorazioak instituzionalizatutako adinekoen preskripzio farmakologikoaren optimizazioa ziurtatu zuen, eta sendagai psikotropo, neuroleptiko eta benzodiazepinen preskripzioa ehuneko handietan jaitsi zen».

Aurrekoaz gain, «unitatean lan egin zuten profesionalen artean batek ere ez du harrapatu koronabirusa». Geriatrak azpimarratu duen bezala, «egoera gorabehera, talde osoak batera egindako ahaleginari esker, alderdi hauek gauzatu ahal izan dira unitatean: Euskal Herriko Unibertsitatearekin telerrehabilitazio-programa aitzindari bat garatu izana, familiei eta egoitzako adinekoei laguntza psikologikoa eman izana, jarduerak egiten jarraitu izana (lanbide-terapia barne) eta egoitzako adinekoen eguneroko bizimodua biziarazten eta animatzen duen beharrezko jarduera soziokulturala».

Egoitzakoak ez ezik, etxean bizi ziren adinekoak ere

Covid-19dun adinekoei arreta ematen espezializatutako IMQ Igurco Unbeko egoitza-unitate soziosanitarioa, egoitza-eremuko koronabirus moderatu edo larria zuten baina kutsatuta ez zeudenengatik aldentzeko isolamendu nahikoa ez zuten adinekoentzat prestatu zen. Txertaketa-kanpaina hastean eta, ondorioz, ospitaleratzeak murriztean, etxean bizi ziren adinekoak onartzeko irizpidea zabaldu ahal izan zen, baldin eta haien zaintzaileek Covid-19an positibo eman bazuten eta konfinatu egin behar baziren, eta, ondorioz, adinekoak kalteberatasun-egoeran geratzen baziren. «Hala, egoitza-unitate soziosanitarioak zerbitzua eman ahal izan zien bai egoitza-eremuko adinekoei, bai komunitate-eremukoei, eta Bizkaiko adineko biztanle guztiei egin zien mesede», azaldu du IMQ Igurcoko asistentzia-zuzendariak.

IMQ Igurco Unbe: espezialistak errekuperazio funtzional pertsonalizatuan

Bestetik, unitate berezia hartu zuen esparruak, IMQ Igurco Unbe egoitza soziosanitarioak, normaltasunari berriro ekin dio guztiz, errehabilitazio-gimnasio guztiei ere; izan ere, horietan jarduera garrantzitsua egiten du errekuperazio funtzionaleko unitatean.

Errekuperazio funtzionaleko unitatea zerbitzu espezializatua da, eta osasun-arazo akuturen baten ostean sendatzen ari diren eta, hortaz, lehenera daitekeen autonomia-galeraren bat duten pertsonei ematen die arreta. Hauek eragin ditzakete galerak: hausturak (aldaka- edo pelbis-haustura), istripu zerebrobaskularra (iktusa) edo susperraldi ahultzailea (ospitaleratze luze bat, Covid-19aren ondorioz, adibidez). Errehabilitazio-aldi baten ondoren –plan pertsonalizatu baten eskutik, non jakintza-alor anitzeko talde batek (erizaintza, fisioterapia, lanbide-terapia, psikologia, logopedia, etab.) esku hartzen duen–, pertsona etxera itzultzen da.

IMQ Igurcok errekuperazio funtzionalerako dituen programei eta profesionalei esker, zentro horretan, batez beste 35 puntuko hobekuntza lor daiteke 100 puntu posibleen artean, eguneroko bizitzako oinarrizko jardueretarako autonomia balioztatzen duen eskala baten arabera.