• 19 milioi euroko inbertsioaren ondoren inauguratu berri den zentro berria Concha Jeneralaren kaleko 20an dago, eta 79 plaza ditu, 59 banako gelatan eta 10 gela bikoitzetan banatuta, guztiak erabat egokituta. Gainera, GRUPO IMQren polikonsultorio mediko bat dago eraikin berean, arreta espezializaturako sarbide zuzena ematen duena.
  
  

IMQ Igurcok ofizialki zabaldu du Euskadin duen zortzigarren egoitza, IMQ Igurco Alhóndiga, Bilboko erdialde betean. Zentro berriak, Concha Jeneralaren kaleko 20. zenbakian dagoenak, taldearen zerbitzu-sarea ugaritu du; izan ere, egun 955 egoitza-toki ditu Euskadin, arreta soziosanitarioan erreferente gisa duen posizioa sendotuta.

Ekitaldira hainbat pertsona ospetsu bertaratu ziren, hala nola Juan Ibarretxe, Bilboko Udaleko Gizarte Ekintzako zinegotzia, eta Asier Alustiza, Gizarte Ekintzako zuzendaria, erakundeek ekimen horri emandako babesaren erakusgarri, zuzeneko 70 lanpostu baino gehiago sortuko baititu.

Etxearen kontzeptu berria “botxo” erdi-erdian

IMQ-ko presidente Beatriz Astigarraga anfitrioi izan zen, eta proiektuaren gidari den filosofia azpimarratu zuen ongietorriko hitzaldian: "Adinekoak dira gure gizartearen euskarria. Beren ahalegin, ezagutza eta ardurarekin eraiki dute gaur egun bizi dugun oraina. IMQn dihardugunok uste dugu zahartzea pribilegio bat dela, eta aurrekoei zaintzea, gure betebeharra, baina, batez ere, harro egoteko moduko ekintza".

Zentro horretan 79 leku eskaintzen dira, 59 banako gelatan eta 10 gela bikoitzetan antolatuta, eta guztiak erabat egokituta daude. 19 milioi euroko inbertsioa egin da egoitzan, eta 5.500 m²-ko azalera du horrek, hiru bizikidetza-unitate bereizitan egituratuta, espazio komun propioak eta guzti.

IMQ Igurcoko zuzendari nagusi Santiago Canalesek gogora ekarri zuen erakundearen 23 urteko ibilbidea, eta hau nabarmendu: "hiriguneetan kalitatezko asistentzia-baliabideak gero eta gehiago behar direlako ireki da IMQ Igurco Alhóndiga, eta, hala, adinekoei errazten zaie ingurunearekin duten loturari eustea, funtsezkoa baita haien ongizaterako".

Berezitasun gisa, aipatu beharra dago ekitaldiko otordu-zerbitzuaz Almudena Gandarias, MasterChef Seniorren irabazle izan zena, arduratu zela. 90 urterekin, bertaratutakoei atsegin eman zien txangurru-konoekin eta mojito-sorbeteekin, egoitzak geroko biztanleen artean sustatu nahi duen bizi-izaera ederki sinbolizatuta.

Irekitze berriak IMQ Igurcok Bizkaian duen presentzia sendotu du; izan ere, zazpi egoitza gehiago, babespeko 28 etxebizitza eta eguneko 11 zentro kudeatzen ditu, eta urtean milatik gora pertsonari ematen die arreta Euskadin.