• IMQ Igurcok, IMQ Taldeko beste entitate batzuekin batera –hala nola IMQ Seguros, IMQ Zorrotzaurre eta Virgen Blanca Klinikak eta IMQ Prevención–, balio horiekiko konpromisoa erakutsi du aurten ere, politika iraunkorren eta ekimen berrien bidez.
  
  

Martxoaren 8an Emakumeen Nazioarteko Eguna izango zela eta, IMQ Igurcon ekimen bat sortu zen, egunero lagun egiten diegun emakumeen bizitzako istorioak aintzatesteko eta garrantzitsutzat jotzeko jarduera bat bultzatzeko xedez. Horretarako, topaguneak sortu dira, non emakumeek beren esperientziak, ikaskuntzak eta balioak partekatu ahal izan dituzten, bizitzak irakatsi dienari eta gaur egun haien ondarea denari hitza emanez.

Topaketa horien bidez, eta argazkia adierazpen-tresnatzat hartuta, esanahiz betetako begiradak eta mezuak jaso genituen, emakume haien bizipenen benetakotasunaren eta sendotasunaren isla gisa. Elkarrekin egindako lan horren emaitza da irudi eta testigantza horiek bildu dituen erakusketa, gure komunitatea osatzen duten emakumeen memoria aintzatesteko gonbita egiten duena.

Atzo inauguratu zen erakusketa, Bilboko Manuel Allende kaleko 10. zenbakian, EDE Fundazioaren eraikinaren barruan, hain zuzen. Martxoaren 10era arte egongo da ikusgai, eta bisitatzera animatzen zaituztegu, goza dezazuen.

Proiektu hori posible izan da parte hartu duten emakume guztien esku-hartzeari eta gure zentroetako taldeen ahaleginari esker; izan ere, haien konpromisoari esker, guretzat bereziki baliotsua den ekimena gauzatu ahal izan da.

Halaber, laburpen-bideo bat egin dugu bildutako argazkiekin eta testigantzekin, jardueraren mamia ezagut dezazuen eta proiektuak IMQ Igurcorentzat duen garrantziaz jabe zaitezten.

Eskerrik asko, gure ondoan egoteagatik eta bizitzako istorioak entzun, partekatu eta aintzat har daitezen espazioak eraikitzen jarraitzen laguntzeagatik.

IMQ Igurcoko taldea.