• IMQ Igurco Orue (Amorebieta) eta IMQ Igurco Unbe (Erandio) egoitzek arrakastaz gainditu dute pazienteen segurtasunerako arriskuak kudeatzeari buruzko UNE179003 Arauaren araberako jarraipen auditoretza.
  
  
• Halaber, IMQ Igurcok kalitatea kudeatu eta hobetzeari buruzko ziurtagiria (ISO 9001) eta ingurumen-kudeaketari buruzkoa (UNE-EN ISO 14001) ere baditu.
  
  

Bizkaiko IMQ Igurco Orue (Amorebieta-Etxano) eta IMQ Igurco Unbe (Erandio) egoitza soziosanitarioetako pazienteen segurtasunerako arriskuen sistemari buruzko UNE 179003 Arauaren araberako ziurtagiria berritu da, AENOR kanpo-erakundeak egin duen auditoretza gainditu baitute bi zentroek.

IMQ Igurco Orue adinekoentzako egoitza soziosanitarioa izan zen, 2018an, ziurtagiri hori lortu zuen Euskadiko lehenengo egoitza.

UNE 179003 Araua IMQ Igurcoko egoitzek eta eguneko zentroek lortu dutenetako bat baino ez da, besteak beste, kalitatea kudeatu eta hobetzeari buruzko ziurtagiria (ISO 9001) eta ingurumen-kudeaketari buruzkoa (UNE-EN ISO 14001) ere baitituzte. Azken ziurtagiri horrek zentro guztiak —Bizkaiko eta Arabako zazpi egoitza eta hamar eguneko zentro—, baita zerbitzu nagusiak ere barne hartzen ditu.

IMQ Igurcoko asistentzia-zuzendari Naiara Fernández mediko geriatrak adierazi duenez, pazienteen segurtasunerako ziurtagiri hori berritu izanak hau erakutsi du: «IMQ Igurcok asistentzia-eremuko iraupen luzeko arretaren ondoriozko arriskuak murrizteko duen konpromisoa, prebalentzia handiko hainbat sindrome geriatrikotan eraginda: desnutrizioa, erorikoak, presio-ultzerak eta beste batzuk».

Hala ere, ziurtagiri hori urtero lortu eta egiaztatzeko lana erabiltzaileen maila fisiologikoaren babesean eta hobekuntzan ez ezik, «arrisku psikosozialei heltzeko moduan ere islatzen da, hala nola isolamenduari, lokailuak ezabatzeari edo tratu txarrak egon daitezkeen egoerak garaiz antzemateari. Horrek benetan eta modu eraginkorrean laguntzen du Unbe eta Orue zentro soziosanitarioetako zerbitzuetan artatzen diren pertsonek hautemandako bizi-kalitatea hobetzen».

Bestalde, IMQ Igurcoko Kalitate arduradun Iker Martíneren iritziz, UNE 179003 Arauaren araberako auditoretza gainditzeko egin den lanari esker, «erabiltzaileek eta beren senideek kanpoko erakundeek egiaztatutako kalitatezko hainbat zerbitzuz gozatzen dute. Hori egiazta daiteke, esaterako, Pertsonarengan Oinarritutako Arreta-ereduaren garapenean eta aplikazioan, zeinaren arabera, erabiltzailearen parte-hartze aktiboa bultzatzen den, arreta-plan indibidualizatuak eta partizipatiboak taxutzen diren, erabiltzaileen gogoko den zainketa-modua pertsonalizatzen den, profesionalak trebatzen diren edo senideei ere adinekoen egunerokotasunaren protagonista izateko aukera ematen zaien. Horrek guztiak balio erantsia dakarkigu, sektore soziosanitarioko beste eragile batzuengandik bereizten gaituena, eta –garrantzitsuena– benetan dakarrena zaintzeko ardura gure eskuetan jartzen diguten pertsonen arretaren kalitatea hobetzea».