Aurkezpen

IMQ Igurco Unbe egoitza soziosanitarioa Unbe gaineko magaletan dago kokatuta, Loiuko udalerriko erdialdetik 300 metrora eta Bilboko, Getxoko zein Barakaldoko hiriguneetatik 15 minutura, hain zuzen ere. Hegoaldera begira dago, eta Asuako bailarako ikusmira panoramiko zoragarria eskaintzen du.

Eraikinak 10.000 inguru m2-ko azalera eraikia dauka zenbatespenen arabera, eta banakako 56 logela zein 84 logela bikoitz dauzka. Guzti-guztiek bainugela egokituak, teknologia aurreratuenak eta kalitatearen nahiz erosotasunaren arloko estandar handienak dituzte.

Eraikina euren artean independenteak eta bereiziak diren 7 modulutan dago egituratuta. Moduluok erabilera anitzekoak eta funtzio ugarikoak dira, eta gure erabiltzaileen premietara egokitutako baliabideak dituzte. Hori dela eta, badugu zuzenagoa eta banakakoagoa den arreta eskaintzerik.

Geure zentro guztietan kalitateko arretari lehentasuna ematen diogunez, IMQ Igurco Unbe egoitza soziosanitarioko talde teknikoa oso ondo prestatuta dago, eta banakako zein kalitateko arreta hurbila eskaintzen dizkie gure erabiltzaileei eta haien familiei.

BIDEOA

Bisita birtuala